Annotatsiya
Diniy matnlar korpusi qayta ishlangan diniy matnlardan iborat tizim bo'lib, uning yaratilishi diniy matn mazmunini tushunish, avtomatik semantik tahlil va mashina tarjimasini takomillashtirishga omil bo'ladi. Maqolada islomshunos olim Muhammad Sodiq Muhammad Yusufning "Sahihul Buxoriy" 1-juz (2019) nashri asosida o'rganilgan 428 ta lug'aviy birlik orasidan semantik maydon va semantik guruhlar ko'rsatilib, "Kitob" va "Hadis" lug'aviy birliklari korpus lingvistikasi metodlari asosida tahlil qilingan. Natijada jami 17 ta mavzuiy guruh shakllantirildi.